Nëna thotë: "Njërit i japin një unazë por që është shumë e ngushtë për gishtin e tij. Ai i kërkon këshillë armikut si t’ia bëjë. Armiku i përgjigjet: 'Merr një thikë e holloje gishtin e unaza do të të bjerë taman.' Një mik i thotë: 'Në asnjë mënyrë! Merr një çekiç dhe zgjeroje unazën.' Dikush dëshiron të kullojë një pije për një zotëri të fuqishëm me anë të një cope të pisët dhe i kërkon këshillë armikut. Ai i përgjigjet: 'Priti pjesët e pisëta të copës dhe mbaj pjesën e pastër për të kulluar pijen e zotërisë tënd.'

Një mik i thotë: 'Në asnjë mënyrë mos vepro ashtu! Më parë laje dhe pastroje copën dhe pastaj kulloje pijen!' E njëjta gjë vlen për çështjet shpirtërore. Unaza simbolizon shpirtin, copa simbolizon trupin. Shpirti, që duhet vendosur si unazë në gishtin e Hyjit, duhet zgjeruar me çekiçin e maturisë dhe pastrimit. Trupi nuk duhet të masakrohet por të pastrohet me vetëpërmbajtje në mënyrë që të shërbejë për të përhapur anembanë fjalët e Hyjit."