Nëna i flet bijës për një dhelpër dhe për djallin që, si dhelpër e zgjuar, i mashtron njerëzit me tundime të shumta, sidomos ata që sheh se po përparojnë në virtyt. |
Libri 4 - Kapitulli 68 |
Nëna thotë: "Kafshëza e quajtur dhelpër është shumë punëtore dhe e shkathët për sigurimin e gjërave që i nevojiten. Ndonjëherë hiqet sikur po fle ose sikur ka ngordhur në mënyrë që zogjtë të mos rrinë syhapur dhe të ulen taman mbi të e kështu dhelpra lehtësisht të mund t’i kapë dhe shqyejë zogjtë e pakujdesshëm. Ajo vëzhgon si zogjtë fluturojnë dhe i kap e i përlan ato që sheh se ulen për t’u çlodhur përdhe ose nën ndonjë pemë. Por ata zogj që fluturojnë me të dyja flatrat, e pështjellojnë atë dhe e bëjnë të dështojë në përpjekjet e saj.
|
SQARIM |
Krishti, Biri i Hyjit, thotë: " Kush dëshiron të hypë në pemën që bën fruta të ëmbla, duhet të lirohet nga çdo barrë, i gatshëm për të vjelur, i pajisur me një enë të pastër ku të fusë frutat. Duhet të përpiqet me zell për ta zbukuruar trupin e tij me virtyte. Trupit duhet t’i japë çka i nevojitet, por jo gjëra të tepërta. Ky person duhet t’i largohet rasteve ku rrezikon të tregohet i papërmbajtur ose lakmitar dhe të japë shembull të mirë për të papërsosurit. Përndryshe do ta pësojë keq, do të vdesë papritur i goditur prej dorës Sime."
Dhe kështu ndodhi. |