"Qielli dhe toka do të kalojnë,
por fjalët e mia nuk do të kalojnë." Marku 13:31
Blerë Rrëfimet e Shën Brixhidës së Suedisë në: Lulu (450 Faqet)
Fillo lexo KËTU
Përmbajtja – Libri 1
Fjalët e Zotit Tonë Jezu Krisht drejtuar nuses
së tij të zgjedhur dhe të shtrenjë,
ku shpallet mishërimi i tij tejet i madhërueshëm,
dënohet përdhosja profane dhe shkelja e besimit
dhe pagëzimit dhe ku nusja e tij ftohet që ta dojë.
Fjalët e Zotit Tonë Jezu Krisht drejtuar bijës
që kish marrë për nuse në lidhje me nenet e
besimit të vërtetë dhe rreth zbukurimeve,
nishaneve dhe njeteve që nusja duhet të ketë për dhëndrin.
Fjalët e Zotit Tonë Jezu Krisht drejtuar
nuses së tij rreth formimit në dashuri dhe në nder të tij, dhëndrit,
rreth urrejtjes që të ligjtë kanë për Hyjin
dhe rreth dashurisë për botën.
Fjalët e Zotit Tonë Jezu Krisht drejtuar nuses
së tij për t’i thënë që të mos shqetësohet
dhe të mos mendojë se çka i është zbuluar vjen
nga ndonjë shpirt i keq dhe për ta mësuar si të
dallojë shpirtrat e mirë nga ata të ligj.
Fjalët tepër të përzemërta të Krishtit drejtuar
nuses së tij ku gjendet një imazh i mrekullueshëm
i një kështjelle të fisme që simbolizon kishën militante
dhe flitet se si kisha e Hyjit do të rindërtohet
tani nëpërmjet lutjeve të Virgjërës
së lavdishme dhe shenjtërve.
Fjalët e Krishtit drejtuar nuses së tij
për t’i mësuar se si shpirti i tij nuk mund
të banojë tek i ligu, ndarjen e të ligjve nga
të mirët dhe dërgimin e njerëzve të mirë të armatosur
me armë shpirtërore për të luftuar kundër botës.
Fjalët e Virgjërës së lavdishme drejtuar bijës
së saj rreth mënyrës së të veshurit dhe llojit
të petkave dhe zbukurimeve me të cilat
bija duhet zbukuruar dhe veshur.
Fjalët e Mbretëreshës së Qiellit drejtuar
bijës së saj të shtrenjtë për ta mësuar
se si ta dojë dhe lëvdojë Birin
e saj së bashku me Nënën e tij.
Fjalët e Mbretëreshës së Qiellit drejtuar
bijës së saj të shtrenjtë në lidhje me dashurinë
e madhe që Biri kishte për Nënën Virgjër
dhe sesi Nëna e Krishtit u ngjiz nga një
martesë e pastër dhe u shenjtërua në krahërorin
e së ëmës dhe se si ajo u ngrit me trup
dhe shpirt në Qiell dhe rreth fuqisë së
emrit të saj dhe engjëjve që i
caktohen njeriut për të mirë ose keq.
Fjalët e Virgjërës Mari drejtuar bijës së saj,
ku gjenden mësime të dobishme rreth mënyrës
se si ajo duhet të jetojë dhe jepen
hollësira rreth mundimeve të Krishtit.
Fjalët e Krishtit drejtuar nuses së Tij
rreth faktit se si Ai u vetëdorëzua për t’u
kryqëzuar nga armiqtë e Tij dhe se si i duhet
vënë fre trupit duke sjellë ndërmend mundimet e Tij.
Rreth lutjes që një engjëll bën për nusen
dhe se si Krishti pyet engjëllin se ç’kërkon
për nusen dhe ç’është mirë për të.
Rreth faktit se si një armik i Hyjit kish
tre djaj brenda vetes dhe vendimit që Krishti mori për të.
Fjalët e Krishtit drejtuar nuses rreth mënyrës
dhe kujdesit që duhet të tregojç kur lutet
dhe rreth tre kategorive tç njerëzve
që i shërbejnë Hyjit në këtë botë.
Fjalët e Krishtit drejtuar nuses ku e Ai e
përshkruan veten si mbret të madh dhe flet
për dy thesare që simbolizojnë dashurinë për Hyjin
dhe dashurinë për botën dhe jepen
udhëzime si të përmirësohemi në këtë jetë.
Rreth faktit se si nusja pa një engjëll tek i fliste
Hyjit për një grua që mundohej tmerrësisht prej
djallit dhe që më vonë u çlirua në sajë
të lutjeve të Virgjërës së lavdishme.
Fjalët e Krishtit drejtuar nuses së Tij ku një
mëkatar krahasohet me tre gjëra: një shqiponjë,
një gjahtar dhe një mundës.
Fjalët e Krishtit drejtuar nuses për përvujtërinë
që duhet patur në shtëpinë e Hyjit, shtëpi që simbolizon
jetën rregulltare, dhe për ndërtesat dhe lëmoshat
që duhen dhuruar vetëm nëse janë fituar me drejtësi,
ndërsa gjërat e fituara me pa të drejtë duhen kthyer.
Fjalët e Krijuesit drejtuar nuses për
shkëlqimin e fuqisë, urtisë dhe virtytshmërisë së Tij
dhe se si ata që tani mbahen për të
urtë mëkatojnë më tepër kundër Tij.
Një dialog i këndshëm i Virgjërës Nënë me
Birin dhe i Virgjërës Nënë dhe Birit me nusen
për mënyrën se si nusja duhet
të përgatitet për dasmën.
Fjalët e dhëndrit drejtuar nuses ku përdoret
një alegori e rafinuar për të folur rreth djallit.
Pyetje e këndshme që Nëna i bën nuses dhe përgjigja
e përvuajtur që nusja i jep Nënës. Kundërpërgjigja
e Nënës mbi dobinë që kanë të mirët
nga ekzistenca e të këqinjve.
Fjalët e Krishtit drejtuar nuses së Tij ku
përshkruhet një njeri i pasinqertë, armik i Hyjit,
veçanërisht hipokrizia dhe karakteristikat e tij.
Fjalët e Hyjit Atë para ushtrisë qiellore
dhe përgjigja e Birit dhe Nënës ku i
kërkohet Atit hir për kishën, bijën e Tij.
Fjalët e Krijuesit drejtuar nuses rreth faktit
se si drejtësia e Tij i lë të këqinjtë në jetë
për një arësye të trefishtë dhe se si mëshira
e Tij i kursen ata për një arësye të trefishtë.
Lëvdatat e ushtrisë qiellore për Hyjin;
si do të kishin lindur fëmijët nëse prindërit tanë
të parë nuk do të kishin mëkatuar;
si Hyji bëri mrekulli para popullit nëpërmjet Moisiut
dhe më vonë duke u bërë Ai vetë njeri;
për degjenerimin e martesës trupore në këtë epokë
dhe kushtet e martesës shpirtërore.
Fjalët e Nënës drejtuar nuses për tre
karakteristika të vallëzimit, si vallëzimi simbolizon
botën dhe për e Nënës në vdekjen e Krishtit.
Fjalët e Zotit drejtuar nuses ku përshkruhet
se si dikush doli para gjykatores së Hyjit
për t’u gjykuar dhe për vendimin e tmerrshëm
që Hyji dhe gjithë shenjtërit morën kundër tij.
Fjalët e Virgjërës drejtuar bijës për dy zonja:
njëra e quajtur Krenari dhe tjetra,
që simbolizon Virgjërën tejet të ëmbël, e quajtur Përvujtëri;
dhe për Virgjërën që vjen t’i takojë në çastin
e vdekjes ata që e duan.
Fjalët e Zotit drejtuar nuses ku flitet për shtimin
aq shumë të krishterëve të rremë saqë gati po e
kryqëzojnë Krishtin përsëri dhe për gatishmërinë e Tij
për të pranuar vdekjen edhe një herë, nëse kjo do
të ishte e mundur, për hir të mëkatarëve.
Për nusen që pa të ëmblën Virgjër Mari
me një kurorë dhe zbukurime të tjera të çmueshme
dhe për Shën Gjon Pagëzorin që i shpjegoi
nuses kuptimin e kurorës dhe zbukurimeve.
Pas paralajmërimit të Hyjit,
nusja zgjodhi për vete varfërinë,
duke hequr dorë nga pasuritë dhe dëshirat trupore.
Rreth së vërtetës mbi gjërat që iu rrëfyen
dhe rreth tre gjërave të mrekullueshme që i tregoi Krishti.
Mësimet që Zoti i jep nuses në lidhje
me urtinë e vërtetë dhe të rreme dhe rreth
engjëjve të mire që ndihmojnë të diturit e mirë
dhe djallit që ndihmon të diturit e këqinj.
Krishti këshillon nusen se si duhet të jetojë.
Djalli pranon para Krishtit se nusja e do Krishtin
mbi gjithcka dhe pyet Krishtin pse e do aq shumë nusen.
Djalli pohon dashurinë që Krishti ka për nusen.
Fjalët e Virgjërës drejtuar nuses ku tregohet
për trishtimin që i shkaktuan asaj Mundimet e Krishtit,
për Adamin dhe Evën që e shitën botën
dhe për Krishtin dhe Nënën e tij Virgjër që e riblenë atë.
Përgjigja që Zoti i dha një engjëlli
që po lutej që nuses t’i jepeshin vuajtje në trup dhe në shpirt;
shpirtrat e përsosur vuajnë më shumë.
Fjalët e Nënës drejtuar nuses ku përshkruhet
madhështia e Birit të saj dhe se si Krishti
tani po kryqëzohet më egërsisht nga armiqtë e tij,
të Krishterët e këqinj, sesa nga Hebrenjtë dhe se si, për pasojë,
këta njerëz do të ndëshkohen më rreptë.
Një dialog i këndshëm i Hyjit Atë me Birin.
Ati i dha Birit një nuse të re dhe Biri e pranoi atë me gëzim.
Dhëndri e mëson nusen, me anë të një shembëlltyre,
rreth durimit dhe thjeshtësisë.
Për fenë, shpresën dhe dashurinë që gjendeshin
përsosshmërisht tek Krishti kur Ai vdiq dhe që
gjenden të mangëta tek ne njerëzit e gjorë.
Tre pyetje që Krijuesi i bën nuses:
e para për burrin që shërben dhe gruan që sundon;
e dyta për burrin që punon dhe gruan që harxhon;
e treta për Zotërinë që shpërfillet
dhe shërbëtorin që nderohet.
Fjalët e Krijuesit, në praninë e ushtrisë
qiellore dhe të nuses, ku Ai ankohet për pesë vetë që
përfaqësojnë papën dhe klerikët, laikët e këqinj,
hebrenjtë dhe paganët. Për ndihmën që u jep miqve të Tij
që përfaqësojnë gjithë njerëzimin dhe gjykimn
e ashpër që i pret armiqtë e Tij.
Fjalët e Virgjërës për t’i mësuar nuses si ta
dojë Birin e saj mbi gjithçka dhe për
virtytet dhe hiret që ka Virgjëra e lavdishme.
Fjalët e Birit drejtuar nuses ku tregon
sesi njerëzit kalojnë nga një e mirë e vogël
në përsosmëri dhe zhyten nga një e keqe
e vogël në ndëshkimin më të madh.
Fjalët e Krijuesit drejtuar nuses për ata
që tani e përçmojnë dhe fyejnë sepse nuk
i kushtojnë vëmendje dashurisë së Tij që
i paralajmëroi me anë të profetëve dhe vuajti për hir të tyre.
Ata nuk duan t’ia dinë për zemërimin
dhe rreptësinë Tij ndaj kokëfortëve.
Nëna, engjëjt, profetët, apostujt dhe djajtë
i përgjigjen Hyjit, në prani të nuses,
duke dëshmuar madhërinë e Tij në krijim,
mishërim, shëlbim etj. Por njerëzit tani i përgënjeshtrojnë
dëshmitë e tyre duke merituar gjykim të ashpër.
Nëna dhe Biri lëvdojnë njëri-tjetrin në prani të nuses.
Njerëzit tani e konsiderojnë Krishtin të ulët,
të pandershëm, të pavlerë dhe thonë se i tillë është.
Këta njerëz i pret mallkimi.
Zoti i flet nuses për Ligjin e Ri.
Ligji i Ri tani refuzohet dhe vihet në lojë nga bota.
Priftërinjtë e këqinj nuk janë priftërinj
të Hyjit por tradhtarë të Tij.
Ata i pret mallkimi dhe dënimi.
Në prani të ushtrisë qiellore dhe të nuses,
natyra hyjnore e Krishtit i flet natyrës njerëzore
të Tij kundër të Krishterëve, njëlloj si Hyji i foli
Mojsiut kundër popullit. Për priftërinjtë e mallkuar
që duan botën dhe përçmojnë Krishtin
dhe për dënimin dhe mallkimin e tyre.
Krishti e krahason veten me Mojsiun
që e nxorri popullin nga Egjypti.
Priftërinjtë e mallkuar që Ai ka zgjedhur për vete
në vend të profetëve si miqtë e Tij më të ngushtë,
tani bërtasin: "Largohu prej nesh!"
Bekime dhe lëvdata që Nëna dhe Biri
shkëmbejnë mes tyre. Për hirin që Biri i jep Nënës
për shpirtrat e purgatorit dhe ata që janë në botë.
Nëna bekon Birin në prani të nuses.
Biri i lavdishëm e krahason Nënën e Tij
me një lule që rritet në luginë.
Fjalët me të cilat Nëna e bekon
dhe i lutet Birit që fjalët e Tij të
përhapen në të gjithë botën dhe të rrënjosen
në zemrat e miqve të Tij. Virgjëra krahasohet mrekullisht
me një lulë që rritet në kopësht.
Fjalët që Krishti, me anë të nuses,
i përcjell Papës dhe klerikëve të tjerë të kishës.
Nëna dhe Biri këmbejnë bekime dhe lëvdata.
Virgjëra krahasohet me arkën ku mbaheshin shkopi,
mana dhe pllakat e Ligjit.
Ky imazh përmban detaje të mrekullueshme.
Fjalët që një engjëll i drejton nuses
në lidhje me shpirtin e mendimeve të saj.
Ka dy shpirtra, një i pakrijuar dhe tjetri i pakrijur,
secili me karakteristikat e veta.
Krishti i përngjan një zotërie të fuqishëm
që ndërtoi një qytet të madh dhe një pallat
të bukur që simbolizojnë botën dhe kishën.
Gjykatësit, mbrojtësit dhe punëtorët e kishës
i kanë hyrë një rruge të gabuar.
Hyji sqaron kapitullin e mëparshëm.
Vendimi që do të merret ndaj njerëzve të tillë.
Hyji bën durim me të ligët për hir të të mirëve.
Zoti i tregon nuses që Ai është ushqim
i padëshirueshëm për shpirtrat e të Krishterëve,
ndërsa botën ata e duan dhe gjejnë gëzim në të.
Për ndëshkimin e tmerrshëm që i pret këta njerëz.
Fjalët e Nënës drejtuar nuses dhe fjalët
e ëmbla që Nëna dhe Biri këmbejnë me njëri-tjetrin.
Fjalët e Krishtit janë të ashpra, më të ashpra,
më të ashprat për të këqinjtë,
por të buta, më të buta, më të butat për të mirët.
Fjalët e Krishtit, në prani të nuses,
ku me shëmbëlltyra Krishti krahasohet me një fshatar,
priftërinjtë e mirë me një bari të mirë,
priftërinjë e këqinj me një bari të keq
dhe të Krishterët e mirë me një bashkëshorte.
Këto shëmbëlltyra janë të dobishme për shumë arësye.
Biri i flet nuses për tre kategori të
Krishterësh që simbolizohen nga Hebrenjtë
që jetonin në Egjipt. Miqtë e Hyjit duhet t’ua bëjnë
të ditura njerëzve të paditur këto rrëfime
që i janë dhënë nuses.